الطف فكرة لترتيب السفرة

🌺الطف فكرة لترتيب السفرة🌺

الموضوع ده مهم جدا ليكي خاصة لو انتي لسة عروسة جديدة وطلب منك تعملي عزومة تعالي نشوف هنعمل ايه وايه هي الاساسيات اللي لازم تفهميها لانقاذ الموقف .

🍴 مع تنظيم العزومات الكبيرة انتي مطالبة بتنظيم بيتك وسفرتك بشكل عملي يناسب عدد الضيوف المعزومة عندك لكدا بنحتار كتير واحنا بنرتب السفرة في العزومات والاعياد خاصة لو جاتلك عزومة مفاجئة وتبقي مش عارفة تبدائي منين ولا منين

 🍴فيه شوية حاجات لو عملتيها هتوفر عليكي وقت ومجهود كبير خالص وتخليكي تنجزي اكبر قدر ممكن من المهام في اقل وقت ممكن .

🍴 بالنسبة للبيت لازم تتاكدي من نضافته وترتيبه قبل وصول الضيوف 👉

🍴اتاكدي من نضافة الشوك والسكاكين والمعالق 👉

🍴اختاري مفرش سفرة مناسب وانيق ويكون لونه متناسق مع المناديل الصغيرة ، ميكونس قصير بحيث اطراف السفرة تبان ، ولا طويل اوي يعني يدوب طويل 30 سم عن السفرة 👉

🍴وكمان وجود مناديل ورقية هيكون لطيف منك بجانب المفارش القماش الصغيرة ، وياريت تختاري المفارش القماش الحديثة واللي متاخدش مساحة على السفرة 👉

🍴زيني السفرة بالورد بس يكون بسيط وقصير عشان ميحجبش الرؤية بين الضيوف👉

🍴ان امكن ضعي ملاحة بجانب كل ضيف لو كان عدد الضيوف مناسب وعندك طقم ملاحات حجم صغير 👉

🍴وزعي الاطباق الفارغة امام كل كرسي وجنب كل طبق معلقة وسكينة ويكون اتجاه السكين ناحية الطبق وشمال الطبق يكون فيه شوكة .وجوة الطبق المناديل القماش اللي اخترناها تطويها بشكل لطيف وفيه اشكال كتير تقدري تستعيني بيها في تطبيق المفارش على السفرة👉

🍴المياه ضروري طبعا على السفرة ، احرصي ان يكون فيه كوباية مياه وتكون مليانة بس مش لاخرها ، قدام كل كرسي ودورق مياه في نص السفرة 👉

🍴لو السفرة طولية يبقى كل طبق رئيسي هتغرفيه في طبقين وتحطيه على جانبين السفرة 👉

🍴جنب كل سيرفيس يكون فيه معلقة كبيرة للغرف 👉

🍴السلطات والشوربة ياريت تغرفيها مسبقا وتحطي كل طبق قدام كل كرسي ، ده هيريحك خالص وينجز معاكي 👉

🍴تاخدي بالك أي سوايل زي سلطات او صوص او شوربة تتغرف في صحون عميقة ، اما أي حاجة جافة مشوية مثلا او محمرة تتغرف في اطباق واسعة مسطحة 👉

🍴الاطباق الرئيسية لازم تكون في نص السفرة والاطباق الفرعيه حولها 👉

🍴ياريت لون الاطباق يكون من نفس الطقم عشان تناسق الالوان 👉

🍴خلي الاكل المالح في جنب والاكل الحلو في جنب 👉

🍴لو هتقدمي اكتر من نوع من اللحوم مثلا فراخ ولحمة يبقى تحطي سكينتين جنب الطبق مش سكينة واحدة 👉

{بكدا يبقى خلصتي ترتيب السفرة وفيه طرق تانية كتير لترتيب السفرة ودي كانت اسهلها وابسطها }