ازاي استعد لعزومات العيد ؟

                           

💖ازاي استعد لعزومات العيد ؟💖

من اكثر الاشياء التي بتقلقنا لما يكون عندنا عزومة غدا او عشا ، هي : كيف استعد للعزومة دي خاصة لو المطبخ عندي مساحته صغيرة وهاعمل مثلا اكتر من 5 اصناف من اكل .

👈خلينا نتفق ان البساطة اساس نجاح عزومتك👉

يعني متختاريش انواع اكل صعبة ومليان صوصات وتقيلة وتاخد وقت كبير في التحضير.

اعملي قايمة بانواع الاكل اللي هتحضريها واوعي تجربي تعملي اصناف معملتيهاش قبل كدا .

مش معقول هتعملي كل الاصناف في نفس يوم العزومة  ! لانه هيكون صعب جدا عليكي خاصة لو وحدك محدش معاكي😱

طب ازاي لو انا وحدي اعمل كل ده وانجح ان العزومة تطلع عى اعلى مستوى ؟👇

👈مبدائيا لازم تحسبي تكاليف العزومة  وبقدر الامكان تشتري حاجة في حدود العزومة ، متشتريش كميات كبيرة وتاثر على ميزانيتك بعدين ،او تفضلي تعبانة ماديا كام شهر لقدام بسبب عزومة .👍

👈تحسبي عدد الافراد اللي هيحضرو  ، وحضري اكل يكفي عدد اكبر من اللي هيحضر تحسبا لاي مفاجئات ممكن تحصل  👬👭👪👫

👈لازم تعملي حساب ان فيه اطفال في العزومة دي وتركزي الاطفال بيحبو ايه وايه الاكل الصحي اللي ممكن تجهزيه عشانهم .👶👦👧

👈العزومة مش بس اكل على السفرة ، فيه كمان العصاير او المشروبات السخنة الل هتقدميها قبل وبعد الاكل  ☕🍹🍸🍷🍺

👈كمان فيه الحاجة اللي مع المشروبات زي بسكوت او ملبسات او كعك او شيكولاتة .🍪🍩🍫

👈شقتك تبقى جاهزة متلمعة ومتروقة من قبل العزومة بليلة ،

👈كل الادوات والاطباق والسرافيس اللي هتستعمليها في العزومة تكون جاهزة ومحضراها جنبك في المطبخ .

👈الشوك والمعالق واسكاكين واطقم التوزيع اغسليها ونشفيها كويس وتكون جاهزة عشان متتوهش منك يوم العزومة .🍴🍴🍴

👈الفوط بمختلف انواعها وعددها جهزيها عشان متنسيهاش وانتي بترتبي سفرتك .

👈 جهزي التتبيلات بتاعتك قبل العزومة بيوم عشان تبقى جاهزة .

👈اللحوم اللي هتتشوي هتقطعيها قطع صغيرة وتتبليها قبل العزومة بليلة🍖🍗

👈المحشيات تعمليها من قبلها بليلة ، يعني تجهزي الحشو وتحشي اللي هتجهزيه في العزومة وتسيبيه جاهز على السوى ليوم العزومة .

👈العصاير اعملها وشيليها في الفريرزر وطلعيها يوم العزومة .

👈السلطة هتعمليها يوم العزومة لانها لازم تكون طازة بس متحطيش ملح غير لما تيجي تقدميها على السفرة عشان متدبلش منك وتنزل مياه .

👈الكفتة تتبليها وتجهزيها قل العزومة بليلة بس من غير ملح ، وتشيليها في التلاجة ، ويوم العزومة تطلعيها من بدري وتحطي الملح وتصبعيها وتكون جاهزة للشوي او القلي .

👈 الارز والمكرونة يجهزو يوم العزومة .

👈شوفي هتقدمي انواع عيش ايه وتجهزيه قبلها .🍞🍞🍞

👈لو هتعملي فاصوليا بيضا او لوبيا ناشفة يبقى تسلقيها من امبارح وتشيليها في التلاجة

👈كل الخضار والفاكهة يكون جاهز عندك بحيث يوم العزومة متشتريش أي حاجة من برة .🍅🍎🍏🍒🍓🍌🍍

👈اعملي قايمة بكل اللي هتحتاجيه عشان يوم العزومة متنسيش حاجة .👌

👈اهتمي بالسلطات في العزومة خاصة السلطات السريعة اللي ممكن تعمليها يوم العزومة ومش هتاخد منك وقت زي { سلطة الطحينة ، سلطة بابا غنوج ، السلطة الخضرا ، سلطة الزبادي }

👈نركز مع مساحة المطبخ بتاعنا وكمان التلاجة ، بقدر الامكان نخلي كل حاجة باينة ومترتبة كويس عشان مزاجك العام وانت بتحضري ميتاثرش ، لان المكان لو مش مترتب كويس هيوترك ويخليكي مش مركزة وممكن تبقى الحاجة قدامك ومش شايفاها .👀