طريقة عمل الرقاق الناشف | صينية الرقاق بالفراخ او البشاميل

السفرة عموما لا تخلو من اطباق محتوية على الرقاق سواء كان الرقاق الناشف أو الطري بحشواتهم المختلفه واللي بتكون دايما غنيه بالفيتامينات والمواد المهمة للجسم عشان كده كل البيوت المصرية لا تستغنى عن الرقاق .

طريقة عمل الرقاق الناشف

مكونات الرقاق الناشف

• خمس كوبايات دقيق منخول كويس .
• معلقة ملح .
• كوبايه وربع ميه دافيه .

طريقه التحضير

• حطي الدقيق والملح وقلبيهم كويس واعجني بالميه لحد م يتكون معاكي عجينه متماسكه وخاليه من اي كلكعه أو شوائب .

• قطعي العجينه لكرات صغيرة متساوية وسيبيها على سطح مرشوش دقيق عشان ترتاح من عشر دقايق لربع ساعة .

• بعصاية الفرد وتفردي الكرات دي على سطح مرشوش دقيق عشان متلزقش لحد م تبقي رقيقه وتكوني مسحته طاسه تيفال أو أي نوع مش بيلزق وحطي عليها العجينه تاخد لون من الوشين وبكده جهزنا احلى رقاق ناشف .

الرقاق الناشف ليه وصفات كتير جدا تعالي نشوف وصفتين من اجمل الوصفات

رقاق بالفراخ

مكونات الرقاق بالفراخ

• نص كيلو صدور

• فلفل الوان

• بصله متقطعه شرائح أو زي م تحبي

• فلفل اسمر وملح

• معلقه كبيره زيت نباتي

• سمن

• نص كوبايه لبن

•  8شرائح رقاق

• اربع كوبايات مرقه دجاج

طريقة التحضير

• في طاسه هتحطي الزيت ومعاه البصل ولما يقرب يدبل هتحطي الملح والفلفل الأسود .

• وتحطي الفراخ وتقلبي لحد م تروح المياه منها خالص .

• هتضيفي الفلفل الألوان وتسيبيهم على النار لحد م يستوي الخليط ده كويس .

• وعلى جنب هنحط الأربع كوبايات مرقه وندفيهم وهناخد الرقاق واحده واحده نبلها فيه بمعلقه أو مغرفه حطي على الرقاق وهتركنيه على قماشه نضيفه تكوني مجهزه جنبك صينيه مدهونه سمنه .

• هتحطي اربع طبقات رقاق وتدهني سنة بسيطه سمنة من الوش وتحطي الخليط بتاعك الجميل ده وتكملي رص الأربع طبقات التانيين .

•  وهاتي نص كوبايه ملحيها بشويه ملح صغيرين واسقي بيهم الرقاق وادهني من فوق الوش سمنه .

• بس متنسيش تقطعي الصينيه مربعات عشان تتشرب اللبن كويس .

• دخليها الفرن لحد م تاخد لو دهبي جميل وشغلي الشوايه عشان تتحمر من فوق الوش وقدميها بألف هنا .

رقاق بالبشاميل

مكونات الرقاق بالبشاميل

• نص كيلو صدور

• بصله متقطعه شرائح أو زي م تحبي

• فلفل اسمر وملح

• معلقه كبيره زيت نباتي

• سمن

• 8 شرائح رقاق

• اربع كوبايات مرقه دجاج

• بشاميل

• كوبايه طماطم مفرومه

• معلقه صلصه الطماطم

 طريقة التحضير

• هنحط معلقة كبيرة او معلقتين زيت نباتي فى الطاسة علي النار ونضيف له الدجاج ونتركه حتى يجف وتضيفي ليه البصل والفلفل الاسود والملح لحد م يدبل وبعدها هتحطي الطماطم وصلصه الطماطم وتسيبيهم لحد م يستوي الخليط .

• هتتبلي الرقاق زي م عملنا فوق وترصي اربع طبقات رقاق وتدهني سمنه بين كل طبقه والتانيه وتحطي الخليط بعدها تحطي الأربع طبقات التانيين وتضيفي البشاميل وتدخليها الفرن تاخد لون ذهبي من تحت وبعدها من فوق وقدميها سخنة .