طريقة سهلة لعمل الكحك الناعم
في البداية هنعرف مع بعض كام ملحوظة بخصوص الناعم ودي لو طبقتيها صح هتضمني كحك ناعم ناجح 100% 👇
بتحتاري أي طريقة هي الصح لان اهالينا كانوا بيعملو الكحك بسمن مقدوح ودلوقتي بنشوف شيفات بتعمله بسمن عادي بارد من غير ما يغلي ، طب أي طريقة هي الصح ؟
الاتنين صح ، الفكرة ان زمان اهالينا كانو بيعملو كمية كحك كبيرة في المناسبات او الاعياد فكانو بيقدحو السمن ، وده بيزود عمره وبيفضل فترة طويلة خاصة لو صيف ومش بيفسد.
لكن انتي لو هتعملي كمية مثلا اسبوع او 10 ايام يبقى مفيش داعي خالص تقدحي السمن .
نوعية الدقيق تكون مخصصة للنواعم عشان النتيجة تطلع معاكي حلوة .
بصي افتكري دايما ان السمن نص كمية الدقيق
ركزي في النقطة دي ! انتي تفتكري ان كل مازودتي مياه العجينة هتطرى وتبقى حلوة بعد التسوية ، وده فكر خاطئ تماما ، لانك كل مزودتي مياه ، نسبة السمن هتقل وهتنشف معاكي في الفرن ، انتي اظبطيها بحيث كيلو الدقيق ليه كباية مياه او لبن زي متحبي المهم متزوديش عن كباية لكل كيلو دقيق .
عايزة الكحك يبقى دايب معاكي ، اهتمي اوي بمرحلة انك تبسيه كويس بالسمن قبل متحطي المياه ، كل ما بسيتيه ، كل ماكان دايب معاكي
ناخد بالنا من نقطة اثناء التسوية ، لو الكحك طلع معاكي دايب بس الحشو ناشف ، ده عشان انتي هديتي النار وزودني مدة التسوية ، فالسوايل بتاعة الحشو نشفت طبعا ، يبقى لو فيه حشو هتقللي مدة التسوية وتزودي النار حبة عشان الحشو مينشفش منك ، لو الكحك سادة ، هتهدي النار وتسيبيه يستوي براحته .
الكحك متسيبهوش كتير في الخمر ، يدوب يتحرك من مكانه وابداي شغل علطول .
بعد شوية الملاحظات دي ، تعالي نعمل الكحك مع بعض وان شاء الله هينجح معاكي .
المقادير
- كيلو دقيق
- نص كيلو سمن
- كباية لبن
- 3 معالق سمسم محمص
- 3 معالق لبن بودرة ، لو مش عندك ممكن نستغنى عنه
- 3 معالق سكر
- معلقة خميرة فورية
- معلقة بيكنج بودر
- رشة ملح صغيرة خالص
- لو عندك ريحة كحك يبقى نص معلقة . لو مفيش عادي جدا مفيش مشكلة
الطريقة
- اول حاجة هتجيبي الخميرة الفورية والسكر وتحطيهم في كباية صغيرة وتنزلي عليهم حبة لبن من المقادير بتاعتنا ، وتدوبي الخميرة كويس عشان تشتغل
- في بولة كبيرة وعميقة هتنزلي كل المكونات الجافة { الدقيق ، البيكنج بودر ، السمسم ،اللبن البودر ، الملح } وتخلطيهم مع بعض كويس ،
- هنجيب السمن بس يكون مش ناشف متجمد ولا مقدوح ، هيكون لين حبة وننزله على الخليط بتاعنا .
- هتبسي السمنة بالدقيق كويس جدا ولمدة مش قليلة وتتاكدي ان كل الدقيق اتغلف بالسمن واتشرب كويس ، ده هيديكي نتيجة هايلة ويزود من دوبان الكحك بعد السوى ، هتنزلي الخميرة اللي مدوباها في اللبن والسكر وتنزل كمان باقي كباية اللبن ، بس المرة هتخلطي من غير متعجني يعني يدوب تمزجي اللبن وتخليه يختفي بس
- هتغطي العجينة وتسيبيها مدة بسيطة يعني ربع ساعة كفاية
- هتكوري الاحجام اللي انتي عايزاها وتجهزي صينية الفرن وترصي وهنا بقى هتيجي تكاتك انتي ، يعني هتسيبيه سادة ولا هتنقشيه براحتك لان السكر الناعم هيغطي أي نقشة ، كمان هتحشيه ولا بتحبيه سادة ، برضه براحتك
- فيه حشو عجوة ممكن تعمليه بنفسك ، هتنقي البلح م النوى وترفعيه على النار مع معلقتين سمن ويغلي وتفرميه وتسيبيه يبرد هيكون جاهز للحشو بتاعك .
- ممكن الحشو يكون ملبن بس بعد متشتريه هتطريه بسمن برضه وتعجنيه تاني عشان يساعدك في الشغل .
- الفرن بتاعك يكون جاهز وحرارته متوسطة ، بس خلي بالك الوش ميحمرش منك
- هتكوني مجهزة سكر البودرة عشان اول ميخرج من الفرن هترشيه وتحركيه بشويش من مكانه وياريت بعد مايبرد