ادوات المطبخ الاساسية وترتيبها

النصائح دي ليكي انتي كـ ست بيت بتقضي معظم يومك في المطبخ سواء تحضي اكل او غسيل اطباق او التفكير في اكلة جديدة .

الأفكار الجميلة في تحضير الاكل مش هتيجي ابدا ومطبخك مش مترتب او ناقصه حاجة ، تعالي نشوف ايه هي اساسيات المطبخ وبعد كدا نعرف ازاي نرتبها بشكل جميل يليق بيكي .

* الحلل بأحجامها من الكبير للصغير وده انتي لو عروسة جديدة هيبقى عندك كل الحاجات اللي هنقول عليها دلوقتي .

* الطاسات بانواعها واحجامها لاغراض القلي والتحمير .

* صواني الفرن ايا كان النوع اللي هتقدري تشتريه , الومنيوم او تيفال او سراميك او جرانيت .

* طقم التوزيع

* المصافي باحجامها وانواعها , يعني مصفاة الحاجات الصغيرة زي الاعشاب او أي مشروبات سخنة , ومصافي الحاجات الكبيرة زي المكرونة او أي لحوم بتتسلق وعايزة تصفيها

* علب التلاجة وغالبا بتبقى بلاستيك حراري لحفظ الاكل الزايد او خلطاتك اللي هتعمليها مرة واحدة وتشيليها في الفريزر

* دواليب وادراج المطبخ عشان نشيل كل حاجاتنا فيها

* كوبايات معيارية وملاعق معيارية , ودي هتنفعك اوي لو بتعملي اكلة فيها دقة في المقادير زي كل انواع الكيك مثلا او أي نواعم

* اطباق باحجامها

* نشابة لفرد الفطاير

* قطاعة اللحمة والخضار

* الخلاط وده نوعه على حسب امكانياتك  

* مضرب البيض وده مهم جدا ومعاه البليندر

* كبة الفرم لو نوعها كويس هتعيش معاكي كتير متقلقيش

* علب التوابل والبهارات

* فوط مطبخ ومريلة نوع كويس

* البوتاجاز طبعا اساسي وممكن ناس تجيب معاه ميكروييف او فرن كهربا عادي او بوتاجاز كهربا . المهم اللي تقدري تجيبيه , ومعاه انبوبتين واستبن للطوارئ

* التلاجة والديب فريزر الادراج او تلاجة بس لو  انتو لسة عيلة صغيرة

* الغسالة وياريت تبقى اوتوماتيك كاملة

* مضرب يدوي ومفرمة يدوية ومخرطة يدوية فيحالة انقطاع الكهربا انتي متتعطليش

* سخان شاي وكيتيل كهربا وبراد شاي وترمس شاي

* صينية عشا كبيرة

* صواني الكيك باحجام مختلفة مع صواني كب كيك

* صواني بيركس حراري

الرفايع 

ماكينة البيتيفور

قمع بلح الشام

الملاحات

قطاعة البيتزا

الفتاحة

المقصات

قوارة المحشي

قشارة البطاطس

بخاخة الزيت

فتاحة السمن

الهون

مناقيش كحك

طقم مساكة وجوانتي

مفرمة التوم

قطاعة البصل

فرشاة للدهن

هراسة البطاطس

منخل الدقيق

ميزان صغير للمطبخ

كولمن مياه

ساعة حائط

مقشة وجردل وشرشوبة

فرش تنضيف

فوط المطبخ

مساحة ازاز

شنطة سوق

غطا الغسالة

قاعدة الانبوبة وقاعدة البوتاجاز والتلاجة والغسالة

مطبخك لازم يكون فيه فلتر مياه وياريت يكون 7 مراحل

والشفاط طبعا ضروري جدا عشان صحتك

ازاي ترتبي مطبخك ؟

طبعا كلنا عارفين ان شكل أي ست وشياكتها ونضافتها بيبان من مطبخها.

لازم تعرفي الاول مساحة مطبخك وياتري كل الادوات دي وغيرها كمان ممكن مطبخك يسعها وميكونش فيه زحمة ؟

ان أي حاجة مش في مكانها او انتي مثلا مش لاقياها مكان فبترميها كدا وخلاص ، ممكن تعمللك توتر وتوهان ومش هتعرفي تشتغلي

اولا انتي بتبقي مركبة مطبخ خشب مثلا او اومينتال او خشمنيوم ايا كان النوع ، بيبقى فيه ادراج كتير ودولف جنب بعضها .

انتي هترتبي كل فئة في مكان مخصص ليها ، بمعنى ان كل انواع الحلل هتحطيها في ركن خاص بالحلل ، والطاسات واصواني هكذا ، وبعدها الاطباق ، وكل الكهربا في ركن يكون جنب مفاتيح الكهربا ومتسيحيش في المكان ، بعدها هتشوفي الرفايع ويفضل تتحط في ادراج كل نوع في درج لوحده وتسيبي مساحة تشتغلي فيها ، يعني متمليش الادراج على الاخر كدا ، لا انتي تسيبي مساحة مناسبة في كل درج او دولاب , كمان لو عندك عزومة كبيرة حبة لازم قبلها تكوني مرتبة المطبخ بلانك مش هتفتكري كل حاجة اثناء تجهر الاكل فمكانهم انتي خلاص حفظتيه فرتبي كل اللي هتحتاجيه في عزومتك وتشوفيه مكانه ولا لا

حافظي على نظافة تربيزة المطبخ ومتسيبيش ي خضار او بواقي اكل عليها

امسحي دواليب المطبخ كل فترة وحافظي على نضافة وجفاف الارضية

لو الغسالة في المطبخ متسيبيش الغسيل فوقها كدا لا ، انتي هتحطيه في سلة بعيد عن الاكل خالص او تشيليه في الغسالة ويفضل متراكميش غسيل اصلا وتغسلي اول باول .