طرق عمل الكبدة بجميع أنواعها
هنعرف مع بعض طرق مختلفة لعمل جميع أنواع الكبدة المشهورة زي الكبدة الإسكندراني والجملي وكبدة الفراخ وساندوتشات المطاعم اللي في منا بيحبها .
طريقة عمل الكبدة الاسكندراني
مكوناتها :
- نص كـيلو كبدة .
- 3 بصلات متوسطة متقطعه صغير او جوانح .
- 3 ملاعق زيت زيتون .
- رشه ملح وفلفل اسود وبهارات مشكلة .
- فلفل احمر حار .
طريقة التحضيـر :
- في طاسه على النار هتحطي زيت الزيتون والبصـل والثوم لحد م يبقا لونهم بقي ذهبي .
- هتحطي الكبدة و الفلـفل لحد م بتغير لون الكبدة.
- تبلي الخليط ده بالفلفـل الاسود والملح والبهارات.
- وطي النار خالص لحد م تستوي الكبدة وقدميها سخنة .
طريقة عمل الكبدة الجملي بالدقة
المكـونات:
- نص كيـلو كبده .
- اربع فصوص ثوم مفرومين.
- الفلفـل رومي و الفـلفل حار الكميه اللي تحبيها.
- زيت.
- دهن جملي.
- ملح وفلفـل اسود.
طريقة تحضير الكبدة الجمـلي:
- في طاسه على النار هتحطي معلقة واحده زيت وتكوني مقـطعة الدهن حتت صغيره خالص وتحطيها ف الزيت لحد م تدوب خالص وتكوني مقطعة الكبدة بردو قطـع صغـيرة جدا او شرائح رفيعه وحطيها مع الدهن وقلبي نص دقيقه او دقيقه كامله طلعيها في طبق على جنب.
- فنفس الطاسه شوحي الثـوم في الزيت لحد م ياخد لون اصفر خفيف وحطي الفـلفل لحد م يدبل وحطي الكبده تاني وقلبيهم وسيبيها نص دقيقه وقدميها سخنه .
- طب ليه مش بنحطها كتير على النار؟؟
- لان الكبدة الجملـي كل م بتحطيها على النار اكتر كل م بتبقا مطاطيه اوي وبتشد وطعمها مبيبقاش حلو .
طريقة عمل الكبدة الجملـي بالصلصة
المكونـات :
- 3 طماطم متوسطة الحجم ومفرومة ناعم .
- نص كيلو كبده جملي .
- دهن جملي أو أي نوع تحبيه .
- 4 فصوص ثوم مفروم .
- ملح وفلـفل اسود .
- كمون ناعم وكزبره ناشفة.
- قرن فلفـل شطه.
طريقة التحضيـر:
- زي م اتفقنا هنقطع الكبدة شرائـح رفيعه جدا او قطع صغيره وهتجيبي معلقة زيت في طاسة على النار وتحطي فيها الدهن لحد م يدوب .
- هتحطي الكبده وتشوحيها لمده نص دقيقه او دقيقه كامله لو مش عيزاها طرية اوي وبعدين هتطلعيها ف طبق على جنب وتحطي فنفس الطاسه الطماطم بتاعتنا و الفلـفل وتبليها بالفـلفـل الاسود و الملح وحبة صغيـرة كمون ناعم وكزبرة ناشفة وسيبيها على النار لحد م تنقل شوية بالقوام المناسب ليكي.
- حطي الكبدة تاني وسيبيها نص دقيقه كمان أو لحد م توصل لمرحلة السوى اللي تحبيها وقدميها سخنه.
طريقة عمل الكبدة الضاني بالبـصل
المكـونات :
- كيلـو كبدة ضاني متقطعه مكعبات .
- بصل متقطع جوانح.
- قطع صغيرة دهن ضاني.
- كزبره خضرا خضرا مفرومه.
- بقدونس مفروم.
- 5 فصوص ثوم مفروم .
- فلـفل حلو وحار.
- فلفـل اسود وملح.
- بهارات مشكلة.
- زيت زيتون.
- عصير ليمون.
طريقة التحـضير :
- حطي في طاسه على النار معلقتين كبار زيت زيتون دوبي فيها الدهن الضاني قطع صغيره .
- حطي الـبصل والثوم لحد م يبقا لونهم ذهبي .
- الكبدة وقلبيها معاهم وحطي الـفلفل وتبليهم بالملح و الفـلفل الأسود.
- غطيهم وقلبي من وقت التاني لحد م تستوي.
- قبل م تستوي بفترة قصيرة حطي الكزبره والبقدونس.
- حطيه في طبق التقديم وعليه عصير ليمون.
كبدة الفراخ بالثوم والكزبرة
المكونات :
- مرقة
- بصل
- خل
- كمون
- فلفل اسود
- زنجبيل
- ملح
- كزبره خضرا وناشفة
- ليمون
طريقة التحضـير :
- هتحطي الكبدة مع الخل في مية شوية تكوني فرمتي الثوم مع الزنجبيل .
- حطيهم في طاسة على النار فيها زيت بعدين حطي البـصل والكزبرة الخضراء والناشفة وشوية من المرقة .
- صفي الكبدة كويس وحطيها معاهم وتبليها كويس بكل البهارات اللي معانا .
- ولما تستوي الكبدة قدميها وعليها عصير الليمون .
سندوتشات كبدة الفراخ
المكونات :
- كيلـو كبدة متقطعه صغير .
- فلـفل اسود حصى.
- كوباية خل.
- ماء مغلي.
- كمون.
- ربع كوبايه ليمون.
- ملح وفلفـل.
- معلقة كبيرة كمون.
- بصل شرائـح.
- فلـفل رومي شـرائح.
- فـلفـل احمر حار مفروم.
- عيش.
طريقة التحضير :
- اسلقي الكبدة في المية المغلية مع الخل و الفلـفل الحصى .
- هتصفيها وتشطفيها ب ميه بارده .
- شوحيها على النار مع التوابل وحطي عليهم البصل و الـفـلفل .
- ضيفي بشر الليمون وقليل من الخل وحطيها في سندوتشات وقدميها .
بالهنا والشفا ،،،،،