اهم النصائح للمراجعة النهائية للثانوية العامة
الثانوية العامة من اصعب المراحل العمرية التي يمر بها الشباب وايضا من اجمل الفترات ، لو عرفنا ازاي نعديها بمزيد من الحكمة والصبر وفن ادارة الوقت واستغلال قدراتي العقلية والجسمية .
عندما يدخل الطالب مرحلة ثانوي يبدا يدخل في
دائرة التوتر وهذا ليس عيبه انما عيب مجتمع وتقاليد راسخة ان الثانوية العامة يعني
مذاكرة 24 ساعة في 24 ، لكن العكس صحيح ,ضيف الى هذا , ان الطالب في هذه المرحلة
وما حصل في جسمه من تطورات وتركيبه الفسيولوجية يجعله متوتر معظم الوقت ، ثم تأتى
الثانوية العامة لتكمل عليه .😕
كيف يستعد الطالب لهذه المرحلة ويتسلح بكل الاسلحة التي تحميه الى ان
يصل الى نهايتها دون ادني خسائر في صحته او نفسيته ؟
(النصيحة الاولى)
لازم انا كطالب افهم كويس ان عشان اجيب نتيجة كويسة في المذاكرة لازم اشتغل على اهم نقطتين , الاولى تغذية عقلي , والثانية صحتي البدنية , وافتكر دايما المثل اللي بيقول ان العقل السليم في الجسم السليم ,
( النصيحة التانية )
يومي كطالب
لازم يتجدول يعني لازم امشي بجدول منظم واحط فيه كل المهام اللي هانفذها خلال
اليوم , زي اعمل برنامج مترتب بدقة واضيف كام دقيقة وقت ضايع لكل فقرة في الجدول
مثلا 👇
- فطار وشاور : 20 دقيقة
- تمارين يومية :10 دقايق
- مذاكرة رقم واحد : ساعتين
- بريك : 10 دقايق
- مساعدة ماما : ساعة
- مذاكرة 2 : ساعة
- درس برة البيت : على حسب مدة الدرس والمشوار
- اكل وراحة : ساعة
- قراءة حرة او أي نشاط على السوشيال ميديا :45 دقيقة
- مذاكرة 3 : ساعتين
- بريك نوم : ساعة
- مذاكرة : ساعة
وهكذا هنعمل جدول مناسب طبعا لظروف البيت وظروف دروسك ومدرستك .
👈 المهم تلتزم بيه التزام كامل 👉.
دي الايام العادية انت لو مشيت بالنظام ده , مش ممكن يحصللك أي توتر
او قلق لانك عامل اللي عليك , فانت مبرمج مخك ان كله تمام ، بكده تحصل على افضل النتائج
.
لازم اكلك يكون صحي جدا وتهتم بالرياضة بشكل خاص زي ماسبق ووضحنا.
اثناء الدراسة انت ممكن تشتغل باكتر من مصدر لانك منطقي لو معاك أي كتب
او ملفات خارجية هتخلصها وتبحث عن غيرها عشان تبقلى جمعت اكبر قدر من الالمام
بالمادة .
كمان الافضل ان خلال اليوم متذاكرش اكتر من مادة , وتشيل باقي المواد
بعيد عن عينيك , لانك كل شوية هتلاقي عينك جات على حاجة وفضولك يخليك تسي اللي في
ايدك وتقوم تشوف معلومة كدا على الماشي من مادة تانية , كدا انت هتضيع وقت وترهق
مخك بدون أي نتيجة مرضية , بل هتتضايق اكتر لانك مالتزمتش بالجدول او البرنامج
اللي حطيته لنفسك.
*غير مكان المذاكرة من الوقت للتاني كنوع من التجديد والحيوية وكسر
الملل والروتين اليومي .
حلو جدا لو كل متخلص حاجة , تختبر فهمك فيها وتعرف اذا كنت ماشي صح ولا تغير الخطة .👌👌
لو خلصت المادة وعايز تراجع , هتبدا من الاصعب للاسهل عشان لو الوقت بقى
ضيق متتوترش ويبقي اللي فاضل سهل وعندك خلفية عنه .في اخر شهر قرب الامتحان هتغير
البرنامج بتاعك بحيث تقفل كل المواد وتيب على الاقل 5 ايام قبل الامتحان دول
هيبقوا زي اعادة شحن لمخك وتديله بريك ومتخافش مش هتنسى اللي ذاكرته .
👈اوعى تسهر كتير
انت ممكن تنام بدري😴 وتصحى الفجرية ، الوقت ده بيكون
المخ صافي ومخزنش أي احداث او ضغوط يومية فتقدر تذاكر الفترة دي بدون قلق .
بلاش وسائل اجتماعي كتير الا المجموعات الضرورية المرتبطة بالدراسة.
مراجعة ليلة الامتحان
ليلة الامتحان من اصعب الليالي على الطالب , وفعليا بيفقد توازنه
ويعمل حاجات لا ارادية بسبب توترة ورعب الامتحان .
نقدر نعدي الليلة دي بكل بساطة وبدون توتر لو عرفنا هنشتغل ازاي
لازم الليلة دي نراجع من مصدر
واحد , موضوع المصادر الكتيرة كانت في الايام العادية لكن الليلة دي مينفعش .
بلاش تشوف أي معلومة جديدة , لانها هتضرك وتضيعلك المعلومات اللي تعبت
وذاكرتها من بداية الترم , كمان هترهق العقل وتستنزف طاقته , بل ركز على المعلومات
اللي موجودة عندك .
راجع من مصادر وزارة التربية والتعليم .
بلاش تشرب أي منبهات☕ ليلة الامتحان لانك اصلا انت متوتر ومش هتنام
فشرب المنبهات هيخلي العقل صاحي حتى لو الجسم مرهق وعايز ينام , فتبقى لا انت صاحي
ولا نايم
حاول تنام بدري بقدر الامكان وبلاش تطبق , وحاول تصحي بدري اوي تراجع
الحاجات المهمة اللي انت محددها مسبقا في المادة ومجهزهم في ورقة خاصة بيك , يوم
الامتحان متبصش غير في الورق ده .
كمان لازم تفطر قبل متمشي .
ابعد عن أي مصادر توتر وقلق اثناء المراجعة عشان متشتتش انتباهك
رتب اوضتك كويس قبل متبدا مراجعة المنظر المريح بيهدي اعصابك ويخليك
تركز .
بعد امتحان كل مادة اول حاجة تعملها بعد متروح انك تشيل المادة اللي
امتحنتها واي ورق او شيتات او اختبارات خاصة بيها .بلاش تفتكرها خالص , وركز في
اللي بعدها .
👈جهز ادوات الامتحان ليلة
الامتحان مش الصبح يوم الامتحان .👉
افتكر اهم حاجة بعد كل ده انك عندك قدراتك ومواهبك الخاصة واهم شئ انك
عملت اللي عليك , اما الباقي ده هيبقى على ربنا , وايا كانت النتيجة ارضى بيها
واشكر ربنا عليها وبص للمرحلة اللي بعد كدا واستعدلها عشان تفضل ناجح باستمرار .
لان النجاح ملوش حدود . والطموح ملوش سقف .
بالتوفيق للجميع 🙏 ,,,