عادات غذائية مهمة للوقاية من الامراض الخبيثة

 

عادات غذائية مهمة تساعدنا في الوقاية من الأمراض الخبيثة 

الفترة اللي فاتت زادت جدا الأمراض الخبيثة خاصة  اورام القولون والشرج بشكل خاص 😔

الوقاية مهمة جدا, وكلنا عارفين ان العادات الغذائية السيئة سبب رئيسي في انتشار اورام القولون بشكل كبير .

شوية ملاحظات مهمين جدا جدا ليك ولأولادك ولعيلتك كلها .. تعالو نعرفهم مع بعض 👇,,,,,,

1.  جوع كتير , صوم , الجسم بعد صيام مدة طويلة بيأكل الخلايا الوحشة ، والكلام ده معروف جدا والدراسات اثبتت كدا ....
2. قلل سكرك على اد متقدر ، العادة خلتنا ننسى طعم الحاجة وبنشرب وبناكل سكر لأن الخلايا السرطانية بتتغذى على السكر .
3. حاول على اد متقدر متاكلش برة نهائي ، اعمل اكل برة جوة البيت , على اد متقدر .
4. ناكل فاكهة كتير , ناكل خضار , بس ناخد بالنا اننا نغسلهم كويس بمياه وخل 🍅🍆🍇🍈🍉🍊🍋🍌.
5. نحاول نشرب مياه كتير وتكون نظيفة من الفلتر او معدنية على حسب امكانياتنا , لو من الفلتر يكون فلتر كويس من شركة محترمة وانتاجها معروف بالجودة , ونتابع صيانته باستمرار ..
6. حاول بقدر الإمكان تقلل استخدام المايكرويف ، ونخلي اكلنا طازج احسن .
7. الزيت اللي تقلي بيه ارميه بعد الاستعمال علطول متستخدميهوش تاني ياريت  لأنه فعلا بيكون تأكسد واصبح ضار جدا .
8. ياريت بعد منقلي بطاطس او طعمية او أي مقليات منحطهاش على ورق جرايد او أي ورق يكون عليه حبر او أي كتابة .. فيه ورق مطبخ  ياريت يكون عندنا دايما ونبطل بخل .
9. لو بتدخن  . تبطل حالا . ولو مش بتدخن ، يبقى تحمد ربنا على النعمة دي ، وتحافظ على صحتك .
10. لو بتقدر تجري اجري بقدر الامكان بشكل يومي  , ولو مش بتقدر تجري , امشي كتير , كمان ممكن تروح جيم ..كمان لو قادر تروح جيم ممكن تلعب أي رياضة خفيفة في البيت ..
11. نام نوم منتظم بقدر الامكان وبلاش سهر ونام كميات متصلة وبلاش النوم المتقطع . ...
12. بلاش تشرب مشروبات غازية , ياريت عصير طازة تعمله بنفسك في البيت 🍹🍹..
13. لما نشرب حاجة بفتلة بلاش نحط الفتلة ولا الكيس جوة المج , ياريت نفضيها جوة المج ونضيف عليها المية السخنة ..
14. بللاش نشرب حاجة سخنة في كبايات بلاستيك , لأن البلاستيك بيتفاعل مع الحاجة السخنة . وتسبب ضرر جامد لصحتك ..
15.  لو بتحب تشرب منبهات , يبقى تشرب قهوة بلاش نسكافيه , وبلاش كريمر . وكمان ياريت متشربش قهوة كتير ☕..
16. لما تحب تحط مياه في التلاجة المفروض متكونش بلاستيك ، تكون زجاج ولو مفيش زجاج , يبقى نستخدم ازايز بلاستيك مكتوب عليها رقم 5 لان ده اكتر بلاستيك امن . 
17. نبعد عن اللحوم المعلبة والمحفوظة خاصة , سوسيز و الانشون واللحمة المفرومة والبسطرمة . نستخدم كل اللحوم دي بس طازة ونقدر احنا نصنعها في البيت بدون مكسبات طعم ولا مواد حافظة و وكمان نكون عارفين مصدرها كويس . 
18. نحاول نخلي العشا بتاعنا بدري حبتين , يعني ياريت قبل المغرب ولو هناكل حاجة بعد المغرب يبقى ناكل حاجة خفيفة زي , فاكهة , زبادي , جبنة قريش .

في النهاية ياريت نقدر نحمي نفسنا واسرتنا واولادنا وناخد بالنا من الحاجات دي وزيها تاني كتير .

👪👫👩👧👦👲