مكرونة بالباشاميل
النهاردة هنعمل بع بعض اكلة من الذ الاكلات اللي اولادنا بيعشقوها وهي مكرونة بشاميل .
بس تعالو كدا قبل منعمل الاكلة دي مع بعض نعرف القيمة الغذائية للمكرونة
بالباشاميل وفوايدها الصحية .
اولا القيمة الغذائية لكل حصة من مكرونة بشاميل
اولا القيمة الغذائية لكل حصة من مكرونة بشاميل
*50 جرام بروتين
* 4 جرام الياف غذائية
*2440 ملجرام من الصوديوم
*205 مجرام كوليسترول
* 1150 سعر حراري
*70 جرام دهون اجمالية
*60 جرام كربوهيدرات اجمالية
فوايد المكرونة الباشاميل
فوايد المكرونة الباشاميل
* نظرا لانها بتحتوي على سعرات حرارية ونسبة دهون وكربوهيدرات التي
تزود جسم طفلي بالطاقة , وتساهده على تطوير جسمه وعقله , ايضا تحتوي حصة المكرونة
على ثلث ما يحتاجه الطفل من البروتين اليومي
* كمان مفيدة للحوامل بشكل خاص لانها بتمد الجسم بالطاقة الضرورية
والمواد الهامة مثل الفوسفور والحديد والكالسيوم , ايضا تحتوي على الياف غير قابلة
للذوبان , كل هذه العناصر تحتاجها الحوامل .
المكونات الصحية :
ودلوقتي هنشوف المكونات الصحية جدا لعمل المكرونة الباشاميل مع شوية
تنبيهات صغيرة .
يفضل بقدر الامكان ان اللحمة تكون حمرا وطازة لو في امكانك طبعا .
كمان هنختار نوع مكرونة جيد .
نحاول نقلل ملح ودهون اثناء التحضير على اد منقدر .
ممكن نعمل الباشاميل في البيت بدل ما نشتري العلبة الجاهزة وطريقتها سهلة
خالص .
اهم حاجة ان انتى تقدري تفنني وتضيفي تكاتك يعني خليكي مرنة وانتي
بتحضري وضيفي توابل وغيري الكمية زي مانتي عايزة يعنني فنني براحتك.
المكونات :
هنقول الحاجات اللي محتاجينها ونوضح الكمية اثناء التحضير .
كيلو مكرونة اقلام زي اللي فى الصورة .
نص كيلو لحم مفروم .
زيت
بصل وتوم
بهارات مشكلة
ملح وفلفل ومرقة
طماطم
صلصة
زبدة
حليب
دقيق
صينية فرن
طريقة التحضير
طريقة التحضير
بصي عشان متتوهيش خاصة لو لسة عروسة جديد وملكيش في المطبخ اوي , لازم
ادواتك كلها تبقى قدامك عشان وقتك وتنجزي , مطبخك لازم يكون مترتب وكل مواعينك
مكانها عشان تعرفي تشتغلي , كمان جهزي
الملاعق والحلل اللي هتحتاجيها قبل متبدأي .
اول حاجة هنجهز مياه للمكرونة اللس هنسلقها , نجيب حلة اكبر من كمية المكرونة ونملا نصها مياه مع معلقة خل وملح ونرفعها على النار لحد متغلي ونحط المكرونة , ركزي 👈لازم المياه تكون بتغلي عشان المكرونة متعجنش معاكي .
متسيبيهاش على النار كتير وتنسي نفسك في عمل حاجة تانية .
شوفيها وقلبيها مرة كدا واول متلاقيها تمام نزليها وصفي ميتها وكدا انتي عملتي اول خطوة .👏
تاني حاجة هتحددي هتعملي الباشاميل في البيت ولا تشتري كيس من برة ؟
هاقولك الطريقتين :
1- لو هتعملي الباشاميل في البيت .
هتجيبي 4 ملاعق زبدة
مكعبين مرقة
4 كوبايات لبن
6ملاعق دقيق
رشة ملح وفلفل .
طريقة تحضير الباشاميل فى البيت
هنحط الزبدة في حلة عادية على النار ونسيحها وبعد كدا الدقيق ونخلطهم لتمام التجانس ، وننزل عليها بشويش اللبن واحنا مستمرين في التقليب طبعا منوقفش تقليب خالص ونحط الملح والفلفل والمرق ونفضل في التقليب لحد منوصل لقوام معقول هنطفي النار ونحطه جنب المكرونة وكدا يبقى خلصنا خطوتين .
لو هتشتري كيس الباشاميل من برة :
يبقي هتحطي محتويات الكيس على لتر لبن بارد وترفعيه على النار مع التقليب المستمر لحد متوصلي للقوام اللي عايزاه وتنزليه .
تالت خطوة ازاي هنعسج اللحمة بطريقة جميلة ؟
هنجيب اللحمة المفرومة ونخرط عليها بصلتين او زي متحبي ونرفعهم على النار مع حبة زيت صغيرة 👈ومتحطيش أي ملح دلوقتي👉.
وقلبي لحد المياه ما تنشف من البصل واللحمة وتجيب فصين توم مطحونين وتنزليها عليهم .
لو حابة تحطي فلفل أي نوع هتقطعيه وتحطية علي الخليط اثناء التقليب .
احنا شغالين تقليب هتجيبي طماطم متقطعة صغير وتحطيها علي الخليط اللي على النار ومعاهم معلقتين صلصة، ونقلب ونظبط بقى الطعم .
هتحطي البهارات
بتاعتك والكمية اللي شايفاها مناسبة وتحطي الملح والفل والكون والكزبرة و اي توابل
تحبيها وبعد كدا الحشو بقى تمام .
خلط المكونات :
* احنا كدا جاهزين لخلط كل المكونات دي، هنجيب حلة كبيرة وننزل فيها المكرونة ونص كمية الباشاميل ونخلطهم مع بعض بشويش لغاية متاكد ان كل المكرونة اتغلفت بالباشاميا .
* بعد كدا اجيب اللحمة المتعسجة واخلطها على خليط المكرونة والباشاميل برضه بشويش عشان المكرونة متتكسرش .
* اكون مجهزة الصينية ومدهونة حاجة بسيطة كدا زيت ونحط الخليط في الصينية ونظبط الوش كويس .
* احط باقي خليط الباشاميل اللي كنت سايباه واظبط الصينية بتاعتي .
* هاكون مجهزة بيضة وضارباها كويس عشان ادهن الصينية من فوق ، ممكن بدل البيض تدهني الوش بزبدة .
* ندخل الصينية الفرن اللي كانت شغالة والمفروض انها سخنة ، مش هتاخد وقت كتير في الفرن هنسيبها بس لحد متاخد لون دهبي جميل .
* نخرج الصينية ونستنى لحد متبرد قبل منقطعها .
بالهنا والشفا .