طريقة عمل كب كيك الشوكولاته سهلة جدا | cup cake بدون قوالب الكب كيك
النهاردة بنقدم لعروستنا الجميلة طريقة الكب
كيك السهلة ، وبنعملها في صينية كيك عادية لو معنديش قوالب الكب كيك .
لازم نبقي عارفين ان كب كيك الشوكولاتة تعتبر
من اسهل طرق الحلويات فى التحضير، وكمان غنية بالمعادن والكالسيوم والفيتامينات ،
مغذية للاطفال والكبار بشرط عدم الإفراط في تناولها .
قبل ما نبدا لازم نعرف كام حاجة كده مع بعض :
- طبعاً زي ما تعودنا قبل ما نبدأ فى طريقة التحضير ، بشغل الفرن على درجة حرارة متوسطة ونسيبها .
- هنجهز الصينية اللى هنشتغل بيها ويكون قطرها 25 سم ، هـ بطنها بورق زبدة ولو معندكيش ، هنعمل الطريقة اللي قولنا عليها أول مرة ؛ ندهن الصينية بزيت ونرش عليها رشة دقيق .
- اخر حاجه هنحتاج كوب 200 مل .
مقادير الكب كيك الشوكولاتة :
- واحد كوب لبن .
- واحد كوب زيت .
- واحد كوب كاكاو .
- اتنين كوب سكر .
- تلاتة كوب دقيق .
- أربعة بيضات .
- رشة ملح + ملعقة فانيليا + ملعقة خل + باكو بيكنج بودر .
طريقة عمل الكب كيك :
بصي يا عروستنا الطريقة سهلة جدا وجميلة .
- هنجيب طبق غويط نكسر فيه البيض ونضيف عليه السكر والفانيليا .
- ونضربهم بالمضرب اليدوي .
- هنضيف عليهم الزيت ، واللبن ، والملح ، والخل ؛ مع استمرار الضرب .
- اخر خطوة ؛ نضيف الدقيق والكاكاو والبيكنج بودر.
- ونستمر فى الضرب كل المكونات حتى نحصل على خليط متجانس .
- هنصب الخليط فى الصينية اللى جهزناها .
- هندخل الصينية الفرن ونسيبها 15 دقيقة .
فى سر بقى اقولك عليه ، الست الشاطرة تعرف ازاى الكيك انها
استوت ؟
انك هتشمي ريحتها قبل ما تفتحي الفرن ومن ريحتها هتعرفي اذا كانت استوت او لسه ، وقتها هتفتحي الفرن وتختبريها بخلة اسنان لو طلعت نضيفة يبقى استوت .
وبكده نكون خلصنا طريقة الكب كيك بدون قوالب
.