طريقة عمل كيك بالشيكولاتة | كيكة الطاسة في ربع ساعة

طريقة عمل كيك الشوكولاتة الاسفنجية | كيكة الطاسة في ربع ساعة

رجعنا لك يا احلى عروسة ، بعد ما اتكلمنا عن طريقة عمل كيكة الاسفنجية بارتفاع عالى و وزن خفيف .

المرة دي هـ نقدم لكم  طريقة عمل كيك الشوكولاتة  cake-chocolate، او كيك الطاسة على البوتاجاز دون فرن ، طريقة سهلة جدا وبسيطة لعشاق الشكولاتة ،

 وهتقدرى تعمليها لوحدك حتى لو أول مرة تجربي فيها تعملى كيك .

مقادير كيك الشيكولاتة  :

• كوب دقيق .
• نص كوباية سكر .
• نص كوباية كاكاو .
• نص كوباية لبن .
• ربع كوب زيت .
• 3 بيض .
• رشة ملح .
• ملعقة صغيرة فانيليا .
• ملعقة خل صغيرة .
• باكو بيكنج بودر .

طريقة التحضير لعمل كيك بـ الشيكولاته:

• في البداية قبل الانتقال إلى طريقة عمل الكيك يجب تجهيز الصينية ، و تقومي بمسحها بمنديل مبلل بزيت.
• هنحتاج مضرب سلك يدوي ، أو ممكن نستخدم شوكة او ملعقة ، يعني مش هتحتاجي الخلاط .
• هنضرب البيض مع الفانيليا والسكر ، وبعدها نضيف الزيت واللبن و احنا بنستمر في الضرب .
• بعد كده نضيف عليهم المقادير الجافة بالتدريج ( الدقيق ، الكاكاو ، البيكنج بودر ، رشة الملح ) .
• نستمر في ضرب المكونات الكيك كلها لحد ما نحصل على خليط متجانس.
• بعدين نروح نجيب الصينية اللى جهزناها ونصب فيها الخليط ,,,,
• نحط الصينية على عين البوتاجاز المتوسطة ونشغلها على نار هادية او درجة حرارة منخفضة و نغطي الصينية.
• بعد 15 دقيقة هنختبرها بخلة اسنان ونتاكد كويس انها استوت .
• بعد ما اتاكدنا ان الكيك استوت هنخلع الجوانب بملعقة سيليكون او بخلة اسنان .
•  نشيل كيك الشيكولاته بالراحة ونقلبها على وشها علي كرتونة خاصة بالحلويات .

" ملحوظة لو الصينية اللى بتستخدميها فى طريقة عمل كيك او الحلويات عموما كانت تيفال او سيراميك ، بلاش تستخدمي ادوات معدنية عشان تحافظي على الصينية ومتتجرحش منك " .

دي كانت طريقة تحضير عمل الكيك بالشوكولاتة ، او كيك الشيكولاتة  .

اليوم قدمت طريقة عمل الكيكة بالشيكولاتة ،  كيكة الطاسة دون وجود الفرن فى المنزل سهل جدا وتقدري تعمليها فى وقت قصير وتبقي انتي الشيف بنفسك  .

هناك من يرغب تزيين الكيك بصوص الشوكولاتة ، والتي لها أنواع كثيرة وطريقة النهاردة سهلة فى الـتحضير و بطريقة بسيطة وسريعة نيجى  بقى الانتقال الى طريقة تحضيره .

 مكونات الوصفة :

• واحد كوب الشيكولاته مكسر قطع ( الشيكولاتة الخام تنفع ) .
• نصف كوباية  كريمة سائلة مخفوقة  .
  
• نصف ملعقة زبدة صغيرة  .

طريقة عمل وتحضير أطيب صوص شوكولاتة :

• نسخن الكريمة على نار هادئة قليلاً ومن غير غليان ونطفي النار .
• نضع كوباية الشيكولاتة المكسرة قطع صغيرة ونحرك بطريقة سريعة حتي تذوب تماماً فى الكريمة .
• نطفئ النار ونحط الزبدة ونحرك سريعا للحصول علي تمام التجانس ، نتركه يبرد ويتجمد قليلا ثم نزين به الكيك.

تعد السعرات الحرارية لوصفة كيكة بالشوكولاتة عالية جدا ، حيث كل قطعة 100 جم بها عدد 227 سعر حراري ...

ان شاء الله ينال إعجاب أسرتك والجميع أطيب طعم وبمذاق شهي و بالهنا ....................

اقرأ طريقة عمل كيكة اسفنجية سهله جداً بارتفاع عال و وزن خفيف و هشة الطريقة التي يبحث عنها الكثير .

وكمان طريقة عمل كب كيك بالشوكولاتة فى وقت قليل طريقة سهلة واقتصادية .