القناعة كنز لا يفنى
معانا موضوع وقصة قصيرة جميلة عبارة اتمني تكون عظة لينا كلنا حبيت اشارككم فيها يا رب تعجبكم :
كان مرة فيه سايح راح يزور المكسيك
. فعجبه اوي جودة السمك هناك وطعمها ,
فسأل الصيادين انتوا محتاجين اد ايه
وقت عشان تصطادوا ؟
فقالوا له مش كتير .
فسألهم : طب ليه متقضوش وقت اكبر وتصطادوا كمية اكبر؟
قالوا له : انهم مش محتاجين الزيادة لان الصيد ده بيكفيهم
ويكفي عائلاتهم .
فسألهم : طب بتعملوا ايه فى باقي الوقت ؟
قالوا : ننام براحتنا ونلعب مع اولادنا وناكل مع زوجاتنا
وبالليل نلهو مع اصدقائنا ونزورهم ونستمتع بوقتنا
السائح قالهم : انا
معايا ماجيستير في ادارة الاعمال من جامعة هارفارد واقدر اساعدكم
قالوا : تساعدنا في ايه؟
قالهم : بصوا انتوا تصطادوا لفترات
اطول وتبيعوا الصيد تبعكم والاضافي تشتروا بيه مركب اكبر
سألوه : وبعد كده ها يحصل ايه ؟؟؟؟؟
قالهم : تشتروا مركب واتنين وتلاته لغاية ما يبقى عندكم اسطول صيد .
وبدل ما تبيعوا السمك لوسيط تقدروا تبيعوه مباشرة لأصحاب المصانع وبعد كدا تفتحوا مصنع خاص بكم وتسيبوا المدينة دي وتسكنوا في مدن راقية زي نيويورك مثلا ، او مكسيكو سيتي او لوس انجلوس .
فسألوه : ها نحتاج ايه وقت عشان كل
ده ؟؟؟
قالهم : ممكن 20 او 25 سنة تقريبا ,,,,
فسألوه : وبعد كدا ؟؟؟؟
قالهم : ها تتاجروا وتتضاربوا في
البورصة وتربحو الملايين $$$
فسألوه : الملايين $$$!!!!
قالهم : نعم .
فسألوه : وبعد كدا ؟
قالهم : فتستريحوا بقى وتنامو براحتكم وتلعبوا مع اولادكم وتأكلوا مع زوجاتكم وتلهو مع اصدقاءكم الصيادون قالو له عفوا مع كامل الاحترام والتقدير ليك .
احنا بالفعل ب نعمل كدا من دلوقتي واحنا شباب وبكامل صحتنا وقادرين علي الاستمتاع بالحياة بكامل صحتنا وشبابنا نلعب ونلهو ونتمتع جميعا مع اطفالنا وزوجاتنا .
فلماذا اذا نشقي 25 سنة ثم نبدأ
الاستمتاع بالحياة بعد ان ضاعت صحتنا وتركنا أولادنا وكثرت امراضنا ؟؟؟؟؟
يعني حضرتك طالب مننا نفقد شبابنا واجمل فترات حياتنا
وننشغل عن زوجاتنا واولادنا في عمل شاق متواصل ,,,
ثم تبشرنا اننا سنستمتع بالحياة في شيخوختنا
ونحن على مشارف الموت ؟
لحد هنا القصة خلصت , لكن في اعتقادي ان الناس البسيطة دي ادت درس قاسي جدا لهذا الرجل الذي كان يعتقد انه مستثمر ناجح ولم يكن يعلم انه يوجد نوع من الاستثمار اثمن من المال وتكوين ثروة ,, وهو القناعة والشكر دائما .
ايضا
معرفة ما هي اولوياتنا في الحياة .
فعلا كلنا ب نهتم بحاجة نفتكرها الاهم في حياتنا وبعد ما نكبر والعمر يجري نكتشف انه فاتنا كتير اوي ومعيشنا اش حياتنا كما يجب ان تكون .
دمتم بخير